Gospel Translations Kurdish - Beşdariyên vê bikarhêner [ku]

Ravekirina - Mizgîniyê di nav 6 deqeyan de

Kathyyee — Mon, 22 Feb 2010 17:53:03 GMT

Kathyyee: Rûpela nû: {{Info|The Gospel in 6 Minutes}} '''Mizgînî çi ye?''' Mizgînî çi ye? Va ye ravekirina wê: Mizgînî ew rastî ye, ku Îsa Mesih, Yê Rastdar, ji bo gunehên me mir û hat r...

{{Info|The Gospel in 6 Minutes}}

'''Mizgînî çi ye?'''

Mizgînî çi ye? Va ye ravekirina wê:

Mizgînî ew rastî ye, ku Îsa Mesih, Yê Rastdar, ji bo gunehên me mir û hat rakirin, li hember hemû dijminên xwe bi serfiraziya ebedî bi ser ket. Wek encama vê yekê yên ku niha baweriya xwe pê bînin li cihê tawanbarkirinê şahiya herheyî dibînin.

Mizgînî ew e.

'''Bi pêgihîştîbûnê pêwistiya te ya Mizgîniyê naçe '''

Pêwistiya te ya Mizgîniyê tu caran naqede. Der heqê Mizgîniyê de qet wisa nefikire, ku ew rê ye, ya ku tu pê [ji gunehan] xilas dibî, piştre tu bi jiwêrêderketinê ango bi awayekî din xurt dibî.

Naxêr! Em her roj, heta roja mirina me, ji aliyê Xwedê ve bi Mizgîniyê tên xurtkirin.

Pêwistiya te ya ji bo ferîxwekirina Mizgîniyê tu caran naqede..

'''Mizgînî Çawa Xurt Dike?'''

Fermo, nimûneyek, û ez ji ber vê yekê wê tînim zimên, ne ku ez qalkirina jiyana xwe girîng dibînim lê ji ber ku tiştekî ku ez jiyame ye û ku zelaltirîn mijar e ku par min tê de hêziya Mizgîniyê ya ji bo xurtkirina ruhê min dît. (Gelek ji we bi derdên ku ji pençeşêra mîzo (prostat) girantir, gelek girantir dijîn.)

Ew ayetên ku min di meha reşemiyê de bi we re parve kirin, ên ku ji bo min gelek hêzdar bûn hat bîra we? Di wê çirkeya ku bijîşk dibêje, “Bi min divê em parçe jê bistînin,” de tirs wek tîrek kete dilê min. Spas dikim ku ew [tirs] gelek nema.

Piştre jî çi hat [bîra min]? 1 Selanîkiyan 5:9-10. Wateya xwerû ya Mizgîniyê li vir e: “Çimkî Xwedê em ne ji bo xezebê nîşan kirine, lê em nîşan kirine, da ku em bi Xudanê me Îsa Mesîh bigihîjin xilasiyê. Ew ji bo me mir, da ku, dixwazî em hişyar an jî razayî bin, em bi wî re bijîn.”

Xilas e. Rihetî wek çemek.

'''Mizgînî li gorî pêwîstiyên we bê kêmasî guncan e.'''

Jixwe ew Mizgînî ye [ya ku] di kêliya guncan de, bi sepandina bê kêmasî [ya jiyanê], bi temamî li gorî pêwîstiya min [e]. Ji ber vê yekê ye ku Kitêba Pîroz ev qas qalind e – ji ber ku pêwîstiyên me yên cure cure ew qas gelek in. Û tê de beşên bisûd hene yên ku di nav wan de Mizgînî ji te re tên ravekirin. Di vê [pirtûka] mêjûya baş û dirêj a têkiliya nav Xwedê û mirovan de heke tu her tim bala xwe bidiye wê tiştê ku Îsa Mesîh ji bo te pêk anî û ji bo te kir, ew ê bersiva hemû hewcedariyên te bide.

Ji ber vê yekê ye ku ez bi hemû dilê xwe niha dibêjim, û wisa jî heta roja ku bimirim bila bibêjim, “Îcar ji yê ku dikare li gor Mizgîniya Pawlos min qayîm bike, her û her bila rûmet jê, ji wî Xwedê re, be.”

Xwedê Îsa Mesih şand ku wek mirov di nav dîrokê de cih bigire. Ew jî mir, da ku hêza dojeh, mirin, Şeytan û gunehan têk bibe. Xwedê Îsa Mesîh ji xwe re kir aleta tekbirina [van tiştan].

'''Lavayiyeke ji bo baweriyê'''

Ez pê dizanim ku gelek mirovên ku vê yekê dixwînin baweriya xwe bi Îsa Mesîh naynîn. Ji ber vê yekê ew dikarin bi tenê li benda tawanbarkirinê bimînin. Îcar ez bi tenê di dawiya vê [nivîsarê] de lavayiyan ji we dikim ku dev ji wê serxwerabûnê berdin. Dev jê berdin. Bes li wê mizgîniyê xwedî derkeve, ya ku Îsa Mesih, kurê Xwedê, yê Rastdar, ji bo gunehên we jiyana xwe da. Roja sêyemîn [piştî mirinê] ew, li hember hemû dijminên xwe bi serfirazî bi ser ketî [û] hat rakirin. Ew serwerî li hemû dijminên xwe dike heta ku pêyê xwe li wan bixe. Lêborandina gunehan û rastdarbûna li gorî Xwedê bi bêheqî bi tenê bi wî, bi tenê bi bawerkirinê dibe.

Ez lavayiyan ji we dikim, hewl nedin ku hûn bi hêza xwe xurt bibin. Dema ku pêwîstiya we pê hebe, peyda nabe. Bi tenê hêzek her dimîne, ew jî hêza ku Xwedê li gor Mizgîniyê dide ye.

Wê nedin alî.

Sozeke ji te re

Kathyyee — Fri, 30 Oct 2009 03:08:28 GMT

Kathyyee: Rûpela nû: {{Info|A Promise for You!}} Beşeke ji rêza “Çêjekê bistîne û bibîne” ''“Ez ê bi wan re peymaneke herheyî wisa çêkim ku ez ê qet ji qencîkirina ji wan re venegeri...

{{Info|A Promise for You!}}

Beşeke ji rêza “Çêjekê bistîne û bibîne”

''“Ez ê bi wan re peymaneke herheyî wisa çêkim ku ez ê qet ji qencîkirina ji wan re venegerim... Ez ê bi qencîkirina ji wan re dilxweş bibim” (Yêremya 32:40, 41).''

Dema ku ez dikevim bêçaretiyê (belê ew jî bi serê şivanan (a) tê), ev yek ji wan sozên Xwedê ye ku ez bi berdewamî lê vedigerim. Bi ser vê yeka ku Xwedê bi qencîkirina ji te re dilxweş dibe de jî, ma tu dikarî tiştekî bi bîr tînî ê ku em dikarin zedêtir cesaret jê bigirin? Ne bi dilsarî ye ku ew soza xwe tîne cih (Romayî 8:28). Dema ku ew qencî bi te dike, jê re dibe sedemeke dilxweşiyê. Her wiha ne tenê carinan wisa ye, lê belê her tim! “''Ez ê '''qet''' ji qencîkirina ji wan re '''''<i>venegerim</i>'''.”

Lê carinan ragirtina rewşa me ew qas zor e ku em hew dikarin tu dilxweşiyê berhev bikin. Dema ku wisa ji min re çêdibe ez hewl didim ku Birahîm ji xwe re bikim mînakeke ku xwe bidim dû: “Birahîm di bêhêvîtiyê de bi hêvî bawer kir” (Romayî 4:18). Xwedê her tim bi dilsozî wisa tev digere ku ew baweriya min a ku wek çirûşkeke biçûk e biparêze. Di dema pêş de (ne heman) ew wê xweş dike heta ku bibe pêteke şadiyê û ewletiya temam.

Ez çiqas kêfxweş im ku tiştê ku herî zedê Xwedêyê Karîndar (b) jê dilşad dibe qencîkirina ji te û ji min re ye!

Ji ber vê sozê bi dilrihetî [dinivîsim]

Şivan John

(a) Di Incilê de “şivan” ji bo yên ku xizmeteke taybet di nav bawermendên Îsa Mesîh de dikin tê gotin. Ji bo fêmkirina hûrgiliyên tevahiya kar û barê wan divê mirov li Incîlê binêre. Bi kurtasî, dikare bê gotin ku rola wan a di nav bawermendan de bi mecazî dişibe karê şivanekî di nav peza wî de.

(b) Di wergera kurdî ya Încilê de gotina “Xwedêyê Karîndar” derbas dibe. Wate ev e, ku hêza Xwedê ya ji bo pêkanîna her tiştî heye. Ango, ji bo Wî, bêîmkanî nîn e.

Ji bo bidestxistina dilxweşiyê em çawa têkoşînan bidin

Kathyyee — Wed, 23 Sep 2009 14:38:44 GMT

Kathyyee: Rûpela nû: {{Info|How Shall We Fight for Joy?}} 1. Vê yekê fêm bikin ku dilxweşiya rast a ku jêderka wê Xwedê ye diyariyek e. 2. Vê yekê fêm bikin ku ji bo bidestxistina dilxweşiyê...

{{Info|How Shall We Fight for Joy?}}

1. Vê yekê fêm bikin ku dilxweşiya rast a ku jêderka wê Xwedê ye diyariyek e.

2. Vê yekê fêm bikin ku ji bo bidestxistina dilxweşiyê divê hewldanên bêwestan bên kirin.

3. Biryara xwe bidin ku hûn ji bo jiholêrakirina hemû gunehên ku di jiyana we de diyar dibin/gunehên stûyê xwe hewlan bidî.

4. Wisa hîn bibin ku ji sûcdariya xwe şerm nekin. Li şûna vê yekê, wek gunehkarekî/ê ku rastdar derketiye tev bigerin.

5. Wisa fêm bikin ku têkoşîna ji bo bidestxistina dilxweşiyê berî her tiştî bi hewldana dîtina rastiya cewhera Xwedê pêk tê.

6. Bi şev û roj bila hiş û aqilê we li ser Peyva Xwedê be.

7. Ji dil u bi berdewamî dua bikin ku çavê dilê we vekirî be û meyl bi ser Xwedê be.

8. Wisa hîn bibin ku li şûna lixweguhdarkirinê ji xwe re rastiya Xwedê bibêjin.

9. Wexta xwe bi yên hînbûyî Xwedê / ji Xwedê têrbûyî derbas bikin, ên ku alîkariya we bikin da ku hûn Xwedê bi awayekî rast bibînin û ji bo bidestxistina dilxweşiyê têkoşînan bidin.

10. Di demên dijwar ên ku wisa xuya dike ku Xwedê tune ye de, sebr bikin.

11. Xwedê mirov wisa afirandin ku hewcedariya laşê mirovan bi bêhnvedan û xwarina xweş heye. Bi baldarî bin ku li gorî van hewcetiyan hûn li xwe baş binêrin.

12. Bala xwe bidin cewhera Xwedê çawa ku li xwezayê diyar dibe.

13. Pirtûkên baş ên der heqê Xwedê û jînenîgariyên pîrozweran de bixwînin.

14. Ji bo kesên din tiştê dijwar ê ku nîşanî hezkirinê dide bikin <br>